睇左幾套, 最欣賞Stephen Daldry既Reader(讀愛).
故事背景係第二次世界大戰既德國, 故事發展亦係由於當時既亂世帶起, 再加上一對情侶年齡既相距…
不過以上都唔係打動我既地方.
可能係巧合, 又或者好多女仔都有呢個喜好.
我完全感受到女主角愛上他既原因.......
女主角愛聽男主角為佢講故事, 無論名著或詩集都聽, 她有時會感動到邊聽邊哭, 以佢晚期最渴望聽愛情故事. 佢地相愛至重逢都係由講故事開始.
我以前就夢想睡前有人為我講小說, 我覺得由他說出比自己睇更享受, 另一個角度亦係大家一齊睇緊同一本書, 想緊同一個故事, 係好浪漫既事…..之後慢慢變成習慣….到你老了…生病了….依然…
感激呢套戲觸動到我呢個幻想…..
Kate Winslet 憑呢套戲得到奧斯卡最佳女主角. 我覺得年輕版既男主角David Kross同樣出色.
哈哈，
回覆刪除我之前都試過兩次，
係你睡前，講故事你聽。
有一次，你好快訓著左（一分鐘）
第二次，你好似聽左五分鐘，就訓左。
哈哈，
或者咁啦，我下次唔講自己創作既故事啦。
可以試下讀小說比你聽既，
雖然，我怕怕地，到時會早訓著過你。
嗯……
如果，讀漫畫，我又怕精彩得濟……"蕉""啪"
阿偉講~one piece~啦....
回覆刪除兩個都唔使訓...^0^
你地兩位......
回覆刪除唉~人地套戲好浪漫架.
不過算啦..阿偉講咩都係得過笑字...
有時間睇下套戲
我都好鐘意呢套戲！！之前睇完我諗唔到自己喜歡的原因，而家我明喇！原來係那份浪慢羞澀卻苦沒結果的錯愛。
回覆刪除gin: 我唔覺得係錯愛, 女主角一生中全靠他先聽到咁多故事同識得寫字...比起好多現今既愛情男女分開後又會得到和學到d咩?....
回覆刪除