旅行必備

每次旅行我都會帶好多書, 就算係去玩, 都唔會放過o係飛機或者夜晚酒店訓唔著既時候睇.

其實搵書都係一個好開心既過程, 代表你將會有好多私人時間, 代表你可以自由選擇放d咩入腦, 唔受外間影響.

除左一兩本之前o係書展買既舊版亦舒小說之外, 其他都係非小說為主:

<死在這裡也不錯>, 馬家輝著.

如果我去既地方令我有呢種感覺都真係不錯

<我是這樣想的>是講述中國出名煙火既藝術家蔡國強的經歷和創作.

記得之前讀NTU既 art appreciation時候, 我簡單咁介紹過佢,

對於佢用煙花作畫同埋利用野獸的震撼場面非常難忘,

好想更清楚佢既創作經歷同思想.

之前睇過錢瑪莉(鄧小宇)既穿KENZO的女人,

佢1984年已經寫過好比SEX AND THE CITY一樣既女人故事.

又有型又好笑. 所以追返佢上年出既散文.

一直覺得自己既時裝設計經歷都同日本好有緣份.

07年既比賽, 08年既show, 同埋下年既scholarship...

好似整定自己要去日本生活咁.

<日本設計的未來學> 收集5位我好鐘意既日本設計師的對話集和作品實錄.

一本我之前都好留意既bookazine.

我企o係書店睇左入面一篇: 

The Environment of  Young Desginers年輕時裝設計師的險惡環境

睇完覺得有點無奈, 但有提醒同反省既意味.